>>Mloog Cov Lus Qhuab Qhia Nov<<
hmts0078-0079

Xh. Foom Lis

Zaj 3.  “Peb puas ntseeg raws li Vajtswv txojlus”

                Muaj ib co uas yog cov ntseeg thiab lawv hu lawv ua “ Seven day” lawv cov no lawv so hnub 7 lawv tsis noj tej tsiaj uas qias tsis huv, xws li npua thiab lwm yam tsiaj raws li vajtswv txojlus phau qub tau qhia, lawv cov no peb kuj hu tsis tau hais tias yog cov cuav los tsis yog, tiamsis yuav coj los tham kom peb nkag siab thiab paub li no.
 
                1. lawv suav hais tias, tus poj dawb yog ib tug uas tseem ceeb thiab ib yam li tus Tswv Yexus, cov ntawv uas nws sau lawv suav hais tias, tseem ceeb ib yam li Vajtswv txojlus.
                Vajtswv txojlus qhia li cas?  ntawm 2 Timautes 3:16 “Vajtswv txojlus txhua zaj puav leej yog Vajtswv tshoov neeg lub siab kom neeg sau. Vajtswv txojlus yog txoj uas qhia qhov tseeb,qhuab ntuas tus uas ua txhaum, pab tau tus uas ua yuam kev, thiab qhia kom sawvdaws paub ua lub neej ncaj ncees.”

                2. Lawv suav hais tias, hnub 7 thiaj li tseem ceeb thiab yog tsis so yuav tsis dim. 
                Vajtswv txojlus qhia hais tias, Yauhas 3:16“ Rau qhov Vajtswv hlub neeg ntiajteb kawg li nws thiaj li txib nws tib leeg tub los rau hauv ntiajteb, tus uas ntseeg nws leejtub, tus ntawd yuav tsis raug kev ploj kev tuag tiamsis nws yuav tau txoj sia ntev dhawv mus txhis.” Yog li ntawd txhua tus uas ntseeg thiaj tau txojsia tsis yog so hnub caiv.
3. Lawv hais tias, yuav tsum caiv txhua yam uas Vajtswv txoj lus phau qub qhia.

                Vajtswv txojlus qhia hais tias, Covtubtxib txojhaujlwm lossis teg haujlwm 10: 9- “ Hnub tom qab thaum peb tug ntawd tabtom mus yuav txog lub nroog Yaupas. Thaum yuav luag tavsu, Petus nce mus thov Vajtswv saum tsev. 10 Petus tshaib plab nws xav noj mov, thaum luag tseem tab tom ua su noj, Petus txawm ua yog toog 11. Petuss pom rooj ntug qheb thiab muaj ib yam zoo lid aim ntaub dav dav muaj hlua hi plaub ceg kaum tso dauv saum ntuj los rau hauv ntiajteb. 12. Petus pom txhua yam tsiaj, tsishais nab, nab qa, qav thiab tej noog puav leejnyob hauv daim ntaub ntawd.13. Ces txawm muaj ib lub suab ahis rau Petuss hais tias, “Petus, koj cia li sawv thiab muab tua noj, 14. Tiamsis Petus hais tias, “tsis tau, tus Tswv! Kuv yeej ib txwm tsis noj tej uas kevcai txwv tsis pub noj” 15. Lub suab ntawd txawm rov hais dua rau Petus hais tias, “ Tej uas Vajtswv hais tias, huv lawm, koj tis txhob hais tias, tsis huv, 16. Muaj li ntawd txog peb zaug, ces daim ntaub ntawd txawm rov rau saum ntuj lawm.

                Raws li peb pom tus tswv Yexus tau tuag thiab txhiv txhua yam huv si lawm ces txhua yam ntawd puav leejhuv lawm peb noj tau tag nrho, vim txhua yam ntawd puav leej yog Vajtswv tsim. Kom peb nkag siab li ntawd.
 
                Yam uas xav qhia rau peb, nimno muaj cov qhia li no tau tuaj txog rau sab Vietnam lawm es yog lawv qhia li no nej tsistxhob mus nrog lawv sib cav tiamsis tsis txhob mus ntseeg lawv, peb yeej ntseeg yog lawm, tus uas yuav tau txojsia yog tus uas ntseeg tus tswv Yexus tsis yog tus uas caiv yam ub yam no, povlauj thiaj hais tias, tus uas noj tsis txhob thuam tus uas tsis noj, txhua hnub puav leej tseem ceeb ib yam nkaus, rau qhov txhua hnub ntawd puav leej yog Vajtswv tsim huvsi. Qhia li ntawd rau nej tau paub.

Sau npe
Hmong Radio

** Rov qab los xyuas Hmongradiofebc.com, peb yuav muaj cov lus no tso rau sawvdaws tau theej sai sai no.